11 acessos
Tien una vieya sotana
y un bonete muy gastau.
Tien un rosariu con cuentes
de madera y un breviariu
que lu reza todos los dies
cuando el sol ya ta baxando
en atapecer de oru
o en atapecer de orbayu.
Per la laborá diz la misa
cuando atapez el rosaiu,
per la nochi xuega al tute
y en la cama reza al santu
y asomau al corredor
ponse el probe atristayau
cavila si el so vivir
non tará ya fracasau.
La iglesia fecha de piedra
ta del pueblu en lo más alto
y ye un gozu les campanes
repicar nel campanariu.
Y cerquina de la iglesia
tien so casina el bon parracu
enllená de los afanes
que el vivir va filvanado.
Per les mañanes la misa
cunado atapez el rosariu,
como una esfueya bendita
fecha de rezos y cantos,
y en el camín de vuelta el chigre
ya conoz el su fracasu
si de nochi vuelve a casa
despacin pasin a pasu.