14 acessos
O, iain ghlinn cuaich
Fear do choltais cha dual da fàs
Do chùl bachlach nan dual
'S e gu camlubach suas gu bhàrr
'S I do phearsa dheas ghrinn
A dh'fhàg mise cho tinn le gràdh
'S nach eil cron ort ri inns'
O mhullach do chinn gu d' shàil
'S mór mo mhulad mun sgeul
Seo tha 'n-diugh ann am beul gach neach
'S e chuir m' acain cho geur
Gura sgeul e nach fheud mi chleith
Thoir an t-soraidh seo bhuam
Dh'fhios an fhleasgaich as uaisle dreach
A dh'fhàg aicead am thaobh
Chuir saighead an aoig fo m'chneas
Ach ged thug mi mo ghaol
Air dhòigh is nach faod mi chleith
Cha b' e gille bochd truagh
Ris'n do tharraing mi suas mar fhear
Ach am fiùran deas ùr
A dhìreadh an stùc-bheinn chas
Dhèanadh fuil air an driùchd
Leis a' ghunna nach diùltadh srad
Iain, iain a ghaoil
Cuim a chuir thu mi faoin air chùl
Gun chuimhn' air a ghaol
A bha againn araon air tùs
'S nach eil fear tha fon ghréin
Dhan tug mi mo spéis ach thu
Is cha tabhair ad dhéidh
Gus an càirear mo chré san ùir?
Ged a chinn thu rium fuar
Bheil thu iain gun truas 's mi 'm chàs
'S liuthad là agus chuir
Thu 'n céill gum bu bhuan do ghràdh
Ach ma chaochail mi bhuait
'S gun do choisinn mi d'fhuath no d' fhearg
Nis mo bheannachd ad dhéidh
'S feuch an tagh thu dhut fhéin nas fhèarr