4 acessos
Lacrime secrete ne tengu un marone
Frà è porte chjose di l'intimu andà
Chi s'infrebba in mè, è chi omu sà
Lacrime d'amore ne aghju una storia
I mio lochi pieni è 'ssi panni negri
Duve pienghje si, una identità
Lacrime passione ne aghju una vita
E ci corre l'acqua di e mio ferite
Ma mi ferma si, u sole chi va.
Appena
Appena, appena di gioia chi canta in mè
Appena, appena di gioia da sparte cun tè
E u core c'hè, è a vita va.
Lacrime furiose n'avemu una storia
Scritta di timpeste è rivolte fiere
Duve veghja si, una eternità
Lacrime cumune n'avemu un paese
Una casa viota un caminu persu
Duve ride si, l'alba vuluntà
Lacrime sperenze n'avemu à fiumare
A l'inveranite d'addunite mosse
Duve cresce si, un sole chi va.
Appena
Appena, appena di gioia chi canta in mè
Appena, appena di gioia da sparte cun tè
E u core c'hè, è a vita va.