4 acessos
Fiets ins van Leve nao Asselt
Bie Asselter Haof sjleis se rechsaaf
Pak dan geliek d'n eerste waeg links
Dao geit 't effe bergop
Dao baove sjtaon drie kesjtaanjelebuim en 'n kruuts
Zit dich ins op die bank en kiek om dich haer
Want hie gaon ze-n 'm legke, zegke ze
Hie mot d'r komme, zegke ze
Ze hobbe gewik en gewaoge, vanalles bedach
Maar hie mot d'r waere gelag
Det haet ze zelf gezag
En fiets dan van Asselt nao Zjwame
Euver de Asseltersjtraot
Veur 't sjpaor geis se links en onger bie die buim rechs
Langs Genoenhaof mit die blauw-witte loeke
Dao onger sjtruimt de Zjwalm langs Naborg
Zit dich ins op die brok en kiek om dich haer
Want hie gaon ze-n 'm legke, zegke ze
Hie mot d'r komme, zegke ze
Ze hobbe gewik en gewaoge, vanalles bedach
Maar hie mot d'r waere gelag
Det haet ze zelf gezag
Veurdeurdeilers houwe ze veur vief cent in de nek
Op alles waert bezuinigd asof 't nieks verrek
Is 't dan neet 'n heel klein bietje gek
Det ze de duurste waeg pakke op de sjoonste plek?
Maar nae,
Hie mot d'r komme, zegke ze
Want hie gaon ze-n 'm legke, zegke ze
Ze hobbe gewik en gewaoge, vanalles bedach
Maar hie mot d'r waere gelag
Det haet ze zelf gezag