Letras Web
Fausto Cigliano

'O Vascio

Fausto Cigliano

7 acessos

'A gente ca mme vede 'e sentinella,
'nnanze a stu vascio da 'a matina â sera:
"Ma chisto" - dice - "ha perzo 'e ccerevella,
ma comme s'è cecato 'e 'sta manera"
E invece, i' voglio bene a na figliola,
ca sta 'int''o vascio e nun è vasciajola.

No, stu vascio nun è vascio,
é 'na reggia, è 'a meglia reggia.
E sissignore, 'o pate è masterascio,
e sissignore, 'a mamma è 'mpagliasegge,
ma hanno fatto chella figlia
ch'è na vera meraviglia,
ca pe' sbaglio è nata llá.

'A mamma dice: "No, signore mio!
A stá ô sicondo piano? Nun sia maje!"
E 'o pate dice: "Quant'è certo Iddio,
io 'nchian''e terra ce stó' buono assaje!"
E intanto, a figlia, chella bella zita,
vò' stá cu lloro quanno se mmarita.

No, stu vascio nun è vascio,
é 'na reggia, è 'a meglia reggia.
E sissignore, 'o pate è masterascio,
e sissignore, 'a mamma è 'mpagliasegge.
Ma hanno fatto chella figlia
ch'è na vera meraviglia,
ca pe' sbaglio è nata llá.

E ajeressera mme só' appiccecato
cu 'e genitore mieje ch'hanno ragione.
Papá, ch'è pronipote 'e titolato,
dice: "E addó' va a ferní chistu blasone?"
Ma i' penzo ca pe' duje uocchie 'e brillante,
scenne 'a cavallo pure nu rignante!"

No, stu vascio nun è vascio,
é 'na reggia, è 'a meglia reggia.
E sissignore, 'o pate è masterascio,
e sissignore, 'a mamma è 'mpagliasegge.
Ma hanno fatto chella figlia
ch'è na vera meraviglia,
ca pe' sbaglio è nata llá.


Top Letras de Fausto Cigliano

  1. Hasta La Vista Señora
  2. Tutt' 'e ssere
  3. Che 'mm 'e Diciste a Fa'
  4. 'O Ciucciariello
  5. 'O Vascio
  6. Sarra' chi sa'
  7. Mme So Mbriacato e Sole
  8. Souvenir d'Italie
  9. Serenatella a 'na cumpagna 'e scola
  10. Che Mm' E' 'mparato a Fa'

Pela Web