4 acessos
'k Wor wakker, kiek op klok
Sikkom kwat noa zeuven
Nog even soezen en din mouk
Der langsoam aan leuven
Tot ber oet, ik neem 'n does
Moak kovvie mit 'n plak stoet
Kiek kraant gaauw even deur
En loat mien hondje oet
refr.:
Zo mor 'n dag, in zo mor 'n weke
Zo mor 'n dag, in zo mor 'n moand
t Binnen dij hail gewone dingen
Dij dag biezunder moakt
Zo mor 'n dag, in zo mor 'n weke
Zo mor 'n dag, in zo mor 'n moand
't Binnen dij hail lutje dingen
Dij dag biezunder moakt
Zunne schient, op fiets noar 't waark
Vandoag nait in file stoan
Rusteg aan, 'k heb de tied
'k Heur kerkklok aachte sloan
Onderwegens mit buurman proat
'k Haar hom een zet nait zain
't Lutje wicht gaait vandoag
Veur 't eerst noar Stad mit traain
refr.
Nog even en oavend is veurbie
Dag lopt op 't end
Zo'n dag woarop niks is gebeurd
Mor 'k gelukkeg bin
'k Zet mien gevuilens op papier
In vorm van een gedicht
Haile stad in daipe sloap
Bie mie doar braand nog licht
refr.