Letras Web

Hou Kin 'k Die Overtugen

Age Van Der Velde

6 acessos

Dou ik die leerde kinnen
Was 't schieterg en zo stil
Ik docht: "dat gaait wel over
Ze wait nait wat ze wil"
Nou is het 'n hail zet loater
En ain ding mor dak heur
Dat binnen dien mooie proatjes
Revelst aan ain stuk deur

Ast doe begunst te proaten
Din holdst nait weer op
Vanaf dag dak die traauwde
Heb ik pien in kop
Dat komt deur dien gekwedel
En van aal dien gezoes
Mor nou ik weer allain bin
Vuil 'k mie ainzoam thoes

Hou kin 'k die overtugen dast de woare bist
'k Wol dast doe vuilen konst hou of ik die mis
Sunt doe vot bist is 't bie mie thoes zo stil
Hou kin 'k die overtugen dak die geern trug wil

Heb ik 'n moal wat te zeggen
Din zitst doe vot op kaast
Bin 'k op mien schip in 't vronder
Zitst doe boven in mast
As 'k zeg: "klok lopt achter"
Zegst doe: "nee hai lopt veur"
'k Wait wie binnen verschillend
Mor 't kin der toch mit deur

As ik kiek noar aander vraauwlu
Din bist stok vergruld
Begunst geliek te bulken
As mien moeke belt
Toch mis ik dien reren en raggen
En dien ploagerij
Al bist 'n teutje-bie-vonder
'k Mis dien proaterij

Hou kin 'k die overtugen dast de woare bist
'k Wol dast doe vuilen konst hou of ik die mis
Sunt doe vot bist staait wereld op zien kop
Hou kin 'k die overtugen, 'k geef de moud nait op

Top Letras de Age Van Der Velde

  1. Sloap Nou, Mien Kindje
  2. 'T Olle Durp
  3. Mooi Grunnen Dat Is Mien Thoes
  4. Mien Slichte Laand
  5. Midwintersdoagen
  6. 'T Brigje Op Zieldiek
  7. De Vaaier Joargetieden
  8. Hou Kin 'k Die Overtugen
  9. Mien Kindertied
  10. Deurbieten