6 acessos
Tien uur, zundagmörgen en k kiek noar dien gezicht
Nou nog ligstoe noast mie en hest ogen nog dicht
Noa vandoag zelstoe nait meer bie mie weden
Der is ain woarst meer om gefst, dat kìn gebeuren .....
Deurbieten, even deurbieten
En t kìn wel hail laank duren
Mor k zel wachten tot k nait meer denk aan die
k Zel wachten tot k vrij bin
En din ales weer as nij vin
k Wacht mor totst niks meer vuilst veur mie
Twij uur, zundagmirreg, dien spullen stoanen kloar
n Kovver en wat deuzen, k kiek ter of en tou ais noar
k Vuil mie minneg, k wil nait reren
k Hol mie goud, doe zugst dat k t begun t te leren .....
Zes uur, zundagoavend, "nou, moi heur", zegstoe, "ik goa"
Ofschaaid bie veurdeur, doe ridst vot ik kiek die noa
Woarom dou ik niks, blief k weerloos stoan
t Is meschain te voak gebeurd om nog schraaien te goan .....
Tien uur, t is al duuster, k mout deur oet want ik stik
Jaas aan en Stad in, woar meer binnen zoas ik
k Zel nait ainzoam weden, nee, vannaacht nog nait
Tied zel t leren of k leven kìn mit mien verdrait .....
Deurbieten, even deurbieten
En ofschoon de kaans mor klaain is
Hoop ik vureg dak nait verlang noar die
Pebaaiern om allain te stoan
En zunder die allain te goan
En wachten tot der weer ain komt veur mie