2 acessos
Aal mörns weer vroug opstoan
Gaauw n does en weer deurgoan
Joa, t is aaltied t zulfde deur de week
Aal oavends gaauw wat eten
Zörgen van de dag vergeten
Even loater hangen in stoul veur TV
Ik heb gain zin meer in dit saai bestoan
En heb besloten mien aigen weg te goan
Ik pluk de dag, ik zing n laid
En wat kommen zel wait ik nait
Ales kin gebeuren
Mien vrijhaaid heb k nou zulf in haand
Soms staait het touvaal aan mien kaant
Alles kin gebeuren
k Vuil mie as nij geboren
k Heb vonnen wak was verloren
Mien lief zit vol met nije energie
Aal doagen klinkt der meziek
Van n Grunnens laid tot klassiek
Dut mie goud, geniet van elke melodie
Ik haar gain zin meer in mien saai bestoan
En doarom besloten mien aigen weg te goan
Ik pluk de dag, ik zing n laid
En wat kommen zel wait ik nait
Ales kin gebeuren
Mien vrijhaaid heb k nou zulf in haand
Soms staait het touvaal aan mien kaant
Alles kin gebeuren